हिंगणघाट नगर परिषद ठराव; नियम व पारदर्शकतेवर सवाल?

1.  

हिंगणघाट नगर परिषद ठराव; नियम व पारदर्शकतेवर सवाल?   


                वर्धा जिल्हा प्रतिनिधी फैमोद्दीन शेख
   हिंगणघाट : पत्रकार भवन प्रकरणात नगर परिषदेत सत्ताधारी व विरोधक यांनी एकमताने ठराव मंजूर केल्याची बाब समोर आली असून, या सहमतीमुळे चर्चेला वेगळे वळण मिळाले आहे. तथापि, ठराव प्रक्रियेदरम्यान इतर पत्रकार व पत्रकार संघटनांचा विचार का करण्यात आला नाही, असा प्रश्न आता उपस्थित होत आहे.
माहितीनुसार, हिंगणघाट नगर परिषद येथे पत्रकार भवनासंदर्भात ठराव सर्वसंमतीने मंजूर करण्यात आला. मात्र, या चर्चेदरम्यान कोणत्याही सदस्याने “इतर पत्रकारांना संधी देण्यात आली का?” किंवा “सार्वजनिक सूचना देण्यात आली का?” यासारखे मूलभूत प्रश्न उपस्थित न केल्याची चर्चा रंगत आहे.
स्थानिक पत्रकारांच्या मते, सार्वजनिक हिताच्या विषयावर निर्णय घेताना सर्व संबंधित घटकांचा विचार होणे अपेक्षित असते. मात्र, या प्रकरणात केवळ एका संघटनेचा विचार झाल्याचे दिसून येत असल्याने नाराजी व्यक्त होत आहे.
तसेच, ठराव प्रक्रियेत पारदर्शकता राखण्यात आली का, यावरही प्रश्न उपस्थित होत असून, कागदपत्रे व माहिती सार्वजनिक न केल्याबद्दल प्रशासनावर टीका होत आहे.
दरम्यान, या प्रकरणाची सखोल चौकशी करून सर्व पत्रकारांना समान संधी देण्यासाठी नव्याने पारदर्शक प्रक्रिया राबवावी, अशी मागणी जोर धरत आहे.
एकूणच, सत्ताधारी व विरोधक यांची सहमती ही विशेष बाब असली तरी, इतर पत्रकारांचा मुद्दा पूर्णतः दुर्लक्षित राहिल्याने हा ठराव आता वादाच्या भोवऱ्यात सापडला आहे.