​हिंगणघाट पुलिस की बड़ी कार्रवाई: गांजा तस्करी करते हुए एक युवक गिरफ्तार

 ​

वर्धा प्रतिनिधी फैमोद्दीन शेख ✍️✍️

हिंगणघाटमध्ये 175 ग्रॅम गांजासह युवक अटकेत, दुचाकी जप्त

                          

हिंगणघाट :- शहरात पोलिसांनी गुप्त माहितीच्या आधारे कारवाई करत 175 ग्रॅम गांजासह एका युवकास अटक केली आहे. ही कारवाई 20 जानेवारी रोजी रात्री 11.10 वाजण्याच्या सुमारास शहालगंडी मंदिर रोड परिसरात करण्यात आली.

पोलीस स्टेशन हिंगणघाट अंतर्गत अप.क्र. 0058/2026 नुसार आरोपी प्रज्योत विरसेन थुल (वय 23, रा. संत चोखोबा वार्ड, हिंगणघाट) याच्यावर एन.डी.पी.एस. अॅक्ट 1985 अंतर्गत कलम 8(क), 20(ब)(ii)(अ) अन्वये गुन्हा दाखल करण्यात आला आहे.

पोलीस कर्मचारी पेट्रोलिंग करत असताना गुप्त बातमीदाराकडून मिळालेल्या विश्वसनीय माहितीवरून पंचनामा करून नाकेबंदी करण्यात आली. संशयित आरोपीची व त्याच्या वाहनाची कायदेशीर झडती घेतली असता त्याच्याकडे प्लास्टिक पन्नीत हिरवट-काळपट रंगाचा ओलसर गांजा आढळून आला. गांजाचे एकूण वजन 177 ग्रॅम असून निव्वळ गांजा 175 ग्रॅम (अंदाजे किंमत 3,500 रुपये) इतका आहे.

यासोबतच आरोपीकडील जुनी वापरती निळ्या रंगाची स्प्लेंडर प्लस दुचाकी (क्र. MH-32-AX-4066) किंमत अंदाजे 60,000 रुपये अशी एकूण 63,500 रुपयांचा मुद्देमाल जप्त करण्यात आला आहे.

या प्रकरणी पुढील तपास पोलीस स्टेशन हिंगणघाट करीत आहेत.